ds spiil

dr daruman het hüt zum erschte mal i syre jitz funktional vollständig ygrichtete chuchi znacht gässe. richtig gmüetlech isch's gsy - nume no chly wanddekoration mögti's verlyde. so eis, zwöi plakat mit dene verschidnige fisch- und gwürzsorte mieche sich no guet.
dr daruman het o heimeligi hintergrundmusig la loufe. obwohl er de scho mängisch ganz konzentriert het müesse zuelose:

"Ja, das Lied vom Sandwich, das mahnet mi geng e chly a nes Spiil, won i mängisch deheim mit de Chind spile. Äh, es isch ganz eifach, dir kennet's sicher alli. Es geit eso:

"Dr Eint leit sy Hand ufe Tisch, und dr Ander leit syni druuf, und de leit dr Eint sy anderi Hand uf di einti Hand vom Andere, und dr Ander leit sy anderi Hand uf di anderi Hand vom Einte, u de ziet dr Eint sy einti Hand unter der einte Hand vom Andere füre und leit se uf die anderi Hand vom Andere, und dr Ander ziet sy einti Hand unter dr andere Hand vom Einte füre und leit se uf die einti Hand vom Einte, u de ziet wider dr Eint sy anderi Hand unter dr andere Hand vom Andere füre, nid, und so witer.

"Äh, me chas übrigens o z dritt spile. Ja, da mues de eifach dr Dritt, dä muess de sy einti Hand, ähm, uf di einti Hand vom andere lege, u de chunt de di anderi Hand vom Einte druuf, und di anderi Hand - isch de eifach sinngemäss..."

diesen beitrag in deutscher standardsprache lesen!!